Dy persona të dënuar për vepra penale në fushën e narkotikëve janë arrestuar në Tiranë gjatë një operacioni policor të koduar “Rrjeta”.

Aksioni u zhvillua nga Policia e Shtetit, në bashkëpunim me Interpol Tirana, me fokus kapjen e personave në kërkim.

Njëri prej të arrestuarve është Klodian Hoxha, 43 vjeç, i cili u kap në zonën e Laprakës. Ai ishte dënuar në Itali nga Gjykata e Ankonës me 8 vite e 6 muaj burg për trafik droge. Tashmë pritet që, përmes bashkëpunimit me Interpol Roma, të kryhet ekstradimi i tij drejt Italisë.

Në pranga ka rënë edhe një 26-vjeçar me inicialet F. B., i dënuar nga Gjykata e Tiranës me 3 vite e 4 muaj burg për prodhim dhe shitje narkotikësh.

Sipas policisë, arrestimet erdhën pas punës operative për gjurmimin e personave të shpallur në kërkim. Çështja i është kaluar Prokuroria e Tiranës për veprime të mëtejshme.

/rtsh.al/